شعرين تحشيش هع هع هع

بعد شتريد اسويلك
اصيرن شمعة وضويلك
بعد شتريد اسويلك
ابوك بشوش* واشويلك
نسيت شچنت اطبخلك وشچنت آنة احشيلك
آنة اللي چنت البخلك ومن كل الالوان اخليلك

وبالصالون اذب آلاف حتى بتسريحة حلوة اجيلك

اثاري الطبخ واللبخ ميفيد شسويلك بعد يمعود دخيلك
ابن الاوادم نسيت شچنت اسويلك
من جنت تعطش وينكطع بوري الماي اگل لعيوني تبچيلك

واشربك من دموع العين ماي عذب يصفيلك
وك نسيت شچنت اسويلك
من چنت تتگلب وماتنام الليل آني اسهر وألوليلك*
والظهرية من تطفي الكهرباء أني اعرگ واهفيلك*
واذا بليلة مسج دزيت
ألم فلوس الكارت واعبيلك
ومن چنت تزعل علي جيش مشاية اوديلك
نسيت شجنت اسويلك
من اجيتني بطرگ دكان تبيع بي مصاصك ومساقيلك*
گلت رجلي وراعي بيتي
واجب علي لو ينكسر ظهري اشيلك

وحتى افتحلك محل بي خير ابيع بذهبي وابنيلك
وما كفت فلوس الذهب رحت تداينت وما جيت بيوم اشكيلك
وتسالني شجنت اسويلك !!!!!
ومن صارت عندك فليسات

صرت آني وجهالي كلشي مانعنيلك

ومن اطلع اشتري خضورات تغافلني وتروح تلعب بذيلك

رصيدك خلص من المسجات يوم سمسم يوم نمنم تقشمرهن بمراسيلك
وبكل ليلة تجي سكران وريحة نسائية تعط من مناديلك

واليوم....اجيت إلي ندمان تطلب سماحي وتتوسل اجيلك

تقشمرني بكلمة احبچ
من حبتك حية بعد ما يعبر علي فيلك*

شحسبالك احنة بالمكسيك؟
لو انتة بمدبلج وتتفنن بتمثيلك

ما ارجع الك لو حتى تبني قصور روح بعيد انتة وكفشتك* وتواسيلك

تگلي بحقچ چنت آنه غلطان
من گبر اللي لفك ووجعة التشيلك

وانشالله التاج محل رحلتي تكون
وانت لأبو غريب يصير ترحيلك

وحق ذهباتي البعتهن
مول لفتح يم محلك واشرد كل معاميلك
وحق شيباتي اللي من القهر طلعن
لاصير اصالة بت نصري واغنيلك

اسفة شوفلك غيري تكنسلك وتطبخلك وتكويلك
وتسويلك ولو ذرة من الچنت آنة اسويلك

السلام عليكم
ماتكدر تجينهامحنيه رجليها
بلوه الكهرباء شلون تاليها

ماتكدر تجينه وطبع دلوعه
بس ساعه تجي وخمسه مكطوعه
وحنه الصيف اجانه شحلو موضوعه

ماتكدر تجينه وشاغله الافكار
واليطلب الحسنه والمهر بالدولار
تشرط قصر عالي محوط بأسوار
والمايكدر عليها بحره يكَضيها

ماتكدر تجينه وخايفه علينه
حكمتهه هوه التبريد ياذينه
دينهه تحبه ودوم توصينه
سبلتكم قناعه فياي يغنيهه

ماتكدر تجينه والمكيف دوم
بي صارت كأبه وشال كومه هموم
تضحكله المهفه تكَله جالك يوم
ارجع منشأك خل عزتك بيهه

ماتكدر تجينه محنيه حتى الراس
والمسؤول يحلف والله والعباس
مضروبه المحطه شبيدي يا هل ناس
صبرولي سنه .. لا عشرين عليها

ماتكدر تجينه والشعب داوي
خًزن مايطيب الجرح شتداوي
اتحزم سبع ياخوي للواوي
وافرش عل سطوح اعذيبي تلكيها

ماتكدر تجينه والمولد فار
مشكر اعلى تعبه وكفو منه وبار
يوميه بعطل حتى المصلح حار
يفتر صبح ليل وحتى ظهريهه

ماتَكدر تجينه .. الكهرباء شلون بيها

شعرين تحشيش هع هع هع Alkaleg.com201042007248112317

ِعاششششششششششششششت الايادي موضوع جميل
هع هع هع هع

خخخخخخخخخخخخخخخ كلش حلوه وجاري الخمط

» تحشيش هع هع هع
» تحشيش غزل هع هع هع ..............
» شعر تحشيش ........................
» تحشيش على الويلاد هع هع هع هع
» تحشيش انكلوزو...............