ميل السنين ...........

أحلف ماأحبّك وارجع انوب .
وشلت بجيبي كفارة حناني !
حتى ادفعهه اول ماالاگيك .
وگبل لاشوفك ادفعهه واتاني !!
مر بروحي درب الروح مهجور.
جيتك حنة واشموع وصواني؟
أسيّج أثر جدمك بترف اورود.
وازفك عالنده بقارب اغصاني؟؟
واشگگ كل رسالة عتب لو جيت .
واكتب عالرصيف احلى التهاني !؟؟
وغطّي الشمس بجناح الفراشات.
خاف تسومر بوجهك معاني.
عرفتك شمعة تضوي بلبة الليل .
وضواهه الجرني من ايدي وخذاني؟
وماأسمع طرب واستحرم الكيف .
لاتحرجني يالصوتك اغاني؟؟
گالولي اشعجب تتعنه للشوگ .
ومارحت العشگ هو الاجاني ؟؟
يعمي اشجابك انته بوكت الغروب.
الشمس ماغابت وظلت تتاني !
شمس الله بكبرهه وتستحي تروح.
دگلي بيابخت مااخجل اني !؟
واذا ما يوصلك كل دمعي ليطيح .
توصلني ضحكتك ترس اذاني؟
طبگت بوجهي بابك واني مرات.
بوجه الريح مفتوحة بيباني!!
خطّارك وشوگي انكتب بالعين.
يافشلة امعزب ما قراني..
فارت دلّتك وتبدت احساس .
وعنيد وماشرب منهه فنجاني !؟
عندي السان سيف ويذبح اسماء.
وأشهد موقفك چتّف الساني ؟
وأرد باب المحنه بوجهك اردود .
تكسر گلبي وتطلّع حناني!
واغمّض عيني منك حتى ماشوف .
بس شيغمّض اعيون الاماني؟
احس ميل السنين بساعتي يدور .
يابوية اشثگلهن موثواني ؟
اتاني وانتظر كل ثانية بسيف .
گظّني اسيوف هجرك واني اتاني ؟؟
اعرفك ماتجي وأتشرف بهاي.
يعجبني انشتل وياك اني !
وردة انت واذا شتلوني وياك.
نتشابگ نده ويدفن أغصاني؟؟
وأرسمك خارطة حتى اسكن وياك !
وتشگ احدود حبّك من حناني!!
واچذب لو گلتلك اني ناسيك .
ولك مااعرف اتناسه النساني..
واذا بسبوعي عني اتغيبلك يوم .
عين اسبوعي تمطرلك معاني ؟
تجيني الناس كلهه وتترس البيت .
وأگل للناس شو محّد أجاني.
وأگل للناس شو محّد أجاني؟؟؟

ميل السنين ........... Alkaleg.com201042007248112317

ميل السنين ........... Alkaleg.com201042007248112317

عااااااااااااااااااااااااااااااااااشت الايادي موضوع جميل

تسلملي واحلى مروووووووور بحر

ميل السنين ........... 0010

عاشت الايادي وربي ذوووق وكلام ينزل ع الجرح ايطيبه

تسلمين حبي واحلى مرووووووووووووووووووووور

ميل السنين ........... 0010