اذا انته مكبل وتريد ادلع الكبد يفاهي يمطفي دلعهه تعال هنا

1. دائما ردد اسمها مثلا اسمهه ساره كلهه سوسو حب هيج ملاعيب
2. مثلا دتسولف وياك ونزل شعرها على عينهه انت شتسوي لتضل صافن مو اني ادري بيك متعود عالتحديق راسا بايدك شيل الشعر الي على عيونها طبعا انت وشايل خصلة الشعر لامس خدهه خلي تشعر بطيبة قلبك
3. بمناسبه او بدون مناسبه تدزلها هديه حتى لو ورده حمره احسن متضل تصرف فلوسك عالبليارد هع شويه خليهه تحبك ولك
4. اريدك بعيد ميلادهه تسوي عيد قومي وتجيبلهه هديه متنساها طول عمرهه فد شي خرافي
5. دائما احجي وياها بهدوء يعني خلي ترتاحلك وتوثق بيك مو تجوعر بوجهه هع
6. كل واحد يريد يخرب بيناتكم لتسمحله يكلك هاي البنيه مو زينه ومدري شنو لتصدك اكو مثل يكول قلبك دليلك والعاقل يفتهم
7. بكل زمان ومكان تلمس ايدهه يا اخي اني مشايف هيج حدايق يعني بالجامعه اشوف كبلات واكفين متباعدين عبالك راح تنفجر عليه ولك الزمهه من ايدهه وتمشوا صير رومانسي
8. كل يوم خابرهه يعني اتطمن عليهه وكلهه شيجيب باجر راح اشتاقلج وباجر شتلبسين وشوفهه شمحتاجه ومن تخلص الزكهه ببوسه هي تضيع بالحراره مال التلفون ههههههههههه
9. نقطه مهمه كلش كلش احجي لاهلك عنهه وهي هم خلي تحجي لاهلهه عنك علمود يصير شبه تعارف ويفيدك بالمستقبل