جرح العشاق
يلجنك هوى ما اعيش انه بلياك
ايدي انته صرت والروح ثق بنتـــك
وانت اول بشر طبرت روحي بسيف
يهد رمشي علعيني كبالي لو شفتـــك
حلو كلك اعرفك واحله منك بيك
اذا حتى الارض من تمشي شابكتـــك
ربيتك جرح بس كون احس بيك
خذت دم الكلب بس روحي عاشكتـــك
يلحجيك همس بلسكته مدري شلون
مو حلكك عيونك تحجي سالفتـــــــــك
شكلك روحي انته بوسط روحي تصير
بعت روحي علمودك وانته مابعتـــــك
اخذ موقف طحت بس كمت وتوجيت
اجيت اركض ركض مابيه بس شلتــــك
ذيب شلون تربه وراعي عشت وياك
شرس طبعك نعم بس انه والفتـــــــــــك
كلت توفي الوفه وما تغدر الرباك
موبيك الذنب بيه انه امنتــــــــــــــــــــك
وعفته بلاذنب روحي لتحبك ليش
شنهي اخرس صرت موكافي من صمتك
احجي شما ردت انه الاعرفك زين
طعنت غدرك بظهري وفنك تعدهـن
صرت شجره وفياي وام او ابو لملكاك
افك قيد الفرح واحزاني اقيدهــــــــن
تحرث كاع غيرك تنزرع وردات
وكيعان الكلب هجران زارعهـــــــن
حزمت العمر خافن يمرك ظيم
واحس كل هم جبل بجتافي رافعهــن
اكابر وانحني واوكع وكوم ردود
اسولفهن همس خاف انته تسمعهــن
انه مربي المشاعر جن بنات بيوت
ابو متاني العرس للمكبره ايزفهـــن
وشايب عمره ميه الكلب صاير هيج
حنه ظهره الصبر جي جفه شيعهـن
مثل ون اليتامه بروحي من اغتاض
خرسان بحزن ياهو سمع ونهــــــن
ما اردلك بعد وبوجهي وشمك صار
حوافر دمع عيني بخدي طابعهـــن
جام عيوني اشوفك بيهن من تفوت
جي بيهن اشوفك كلبي كسرهـــــن
موضوع: جرح العشاق 
