دور ابكل الكتب وقرا التريده وخم
ما تلكَه مثل الوصي ذهب ومصفى وخام
ايات شهدت اله وشهدتله وكَفت خم
ولاه رب العرش امره بعد خاتمه
ياهو الذي ابسجدته كَام ونطه خاتمه
يوم الحشر دفترك لوما علي خاتمه
لتصدكَ انته اتعبر وعلى الصراط ادوس
كل زمرة عادت علي لابد تذل ودوس
خلي تشيع التهم هاي الخلكَ ودس
شامخ يظل حيدره فوكَ الارض والسمه
من الله حيدر علي نال الشرف والسمه
تاج النسه فاطمه طاها العلي وسمه
ونطاه منها البطل ذاك الشهيد حسين
امضغ اباسمه عسل يشفافي لحسين
وبجاه حبه صرت من احسن ال احسين
وحبيت اخوه السبط واهل الكرامه حسن
طلعته طلعت كَمر منظر جميل وحسن
مثل المسك ريحته لا بل ارق وحسن
وريح الذي خالفه مثل السحاله وخم
تحياتي الكم يا ورود
الحزين