سوالف البنات بالكليه ويه الولد

ابنيه وزميلها بالكليه ديحجون حجي عادي
طبعا ما اسولفلكم الولد دايخ من الجذب قصدي من السوالف الي كاعد اتكولها البنيه
.............................................
البنيه : هاي اشلونك
الولد : هلو عيني اشلونج انتي ان شاء الله زينه
البنيه : الحمدلله شكو ماكو
الولد : والله كلشي ماكو صافيه دافيه
البنيه : والله ضوجه عفيه شنو هاي حتى ما اليه واهس كلشي اسوي (( هيه مكضيه الليل كله بس تعرض بالغرفه وحايره شتلبس الصبح من اتروح للكليه عبالك راح يجوها خطابه ))
الولد : حتى اني ما اليه واهس كلشي اسوي وتعبان كلش
البنيه : والله تعبت من الوكفه عفيه اروح للكافتريا (( خطيه اتريد تاكل براس الولد ))
الولد : ها اي اي يله اروح للكافتريا (( اي ادري شنو مماكله ابيتكم ))
دخلو للكافتريا وشايفين الكافتريا اشلون هوسه كله كروبات واغاني
الولد : شنو تاكلين عيوني
البنيه : لا اني ما اكل بس اريد عصير
الولد : اوكي
راح الولد ايجيب عصير راني اللهم
الولد : اتفضلي عيوني
البنيه : شكرا
لق لق هاي يعني فتحو القواطي مال عصير راني
البنيه : اشكد طيب هذا العصير طبعا بابا ايجبلنه اشكد صناديك من عصير راني (( هيه مال صناديك راني هو اني مكضيته اتحللين تيستي ايد بالمي واشربين ))
الولد : الف عافيه عيوني
طرن طرن دك التلفون مال البنيه .. الو هلو مامي اشلونج حبيبتي لا عفيه مامي لتروحون حدائق الاندلس اله اني اجي عفيه انتضروني (( هيه حتى متندل حدائق الاندلس وين صاير بيا منطقه ))
البنيه : هاي مامي اتكول احنه رايحين حدائق الاندلس اكو حفله مال حسام الرسام
الولد : اي عيوني روحي اتونسي غيري جو اشويه (( اشكد جذابه هو حسام الرسام بعمان البارحه طلع لقاء ويه على قناة الشرقيه
البنيه : احنه كل سبت والاثنين واربعاء حدائق الاندلس اروح نتونس
الولد : اي عيني روحوا اتونسو (( لك هاي شنو اني كاعد ويه ابنيه لو ويه مسيلمه هاي يطلع الفيل من حلكها يضرب جلاليق
البنيه : اكول انت وين اتقضي وقتك
الولد : والله اني بين يوم ويوم اروح للقاعه مال الحديد اتمرن اشويه لو اكعد ويه اصدقائي بكهوة ايوان نشرب نركيله وراها نلعب لعبه حلو نلعبها مجموعات اسم اللعبه medal of honor وارجع للبيت واكعد واسكت لو نكعد اني واصدقائي كدام الباب نضحك ونسولف
البنيه : اي يعني زين اشويه تطلع اتشوف عالم اتغير جو
الولد : انتي وين مكضيه وقتك
البنيه : اني لما ارجع من الكليه اسبح (( هو المي صارله 3 ايام مكطوع بل بصره)) ومن اطلع من الحمام اشسور شعري (( اشسور شعرها بالاوتي )) وراها اذا الكهرباء مطفيه اخلي بابا ايشغل المولده الجبيره مالتنا (( تايكر 6 امبير )) وره ما ايشغل بابا المولد افتح السبلتات مال البيت لان منكدر بدون سبلتات (( مراوح عاموديه ))
بعدين افتح الثلاجه احير شنو اشرب من عصاير بس اني المفضل عندي الراني (( تيستي ايد ))
وراها اكعد اقره اشويه واراجع المحاظرات (( تقرى شكو مجله )) وبعدين انام اكعد ساعه 6 ونص الصبح اغسل وابدل واجي للكليه (( هيه تكعد ساعه 3 الصبح تبدي اسوي بروفات وعروضات وتبلط الشوارع مال وجها )) يله اوكي شكرا على العصير لان اني اريد اروح راح يجي عليه اخويه بسيارته الغواصه ياخذني واني اخاف ايسلبوه لان كلش غاليه (( هيه كرونه معوقين سوتها غواصه )) وعلمود هم اروح للحفله ما حسام الرسام
هجم بيت البانيه اشكد تنفخ
الولد : اخذي راحتج عيوني وعود سولفيلي على الحفله (( خرب ببليسج اشكد جذابه ))
ملاحظه : نرجو من البنات عدم مشاهدة المسلسلات المدبلجه وعدم مشاهدت المسلسل العراقي
و ع فكره حدائق الاندلس عدنه بالبصره حلوه ومال ناس طكوك اخاف ميعرفوها اهل بغداد

بالله مدكليلي منين جبتيلي هذا الكلام
معروفه مافي غيرها هاي اني مسكين واكَع مع شكم ابنية ويكذبن عليه بالجامعة واعتقد اتعرفيهن ههههههههههههههههههه .

لكن اني ما اكذب لو شو رايك؟

بالمناسبة يا فراشه عندي بيتين ابوذيه كتبتهن للضحك شهد الله عليه
اريد اكتبهن الج لكن بشرطين الاول ان لا تأخذي الموضوع بغير نظرة والثاني ما بيناتنه اي فرق اذا موافقه عليهن كَليلي لأن اكتبتهن باخر فترة الامتحانات وما لحكَت اكَلج بيهن .

وامانه ابذمتج اسلميلي على كل البنات وخصوصاً ( ذ,ك,ا,ء ) و ( أ,خ,ل,ا,ص ) فدوات
تحياتي

السلام عليكم شلونج وردة طبعا هذا الموضوع كلش حلو وممتع هههههههه طبعا غير صبغ يصبغن البنات كلة بويا هههههههه عيوني تقبلي مروري وشكرا على الموضوع الجميل تحياتي اسد ديالى

هلالالالالالالالالالالالالالالالالاو اسامه عاش من شافك اتركلي الابوذيات ع الياهو ماتي بشرفك ويصل سلامك تدلل

يبوي عليج يا فراشه شوكت يوكَعن جنحينج ونرتاح منج ومن سوالفج الحلوه
هههههههههههههههههههههههه

ليش خبيث اسامه حاط عينك ع جناحاتي مو هم تجي للكليه واموتك

منوره عيوني فراشه ومنوره المنتدى برجعتج يا غاليه

اسامه منور والف هلا بيكم